ORANJESTAD – Oficialmente tur Centro di Cuido y Guia di Mucha di 0 – 12 aña (Créche) por cuminsa ofrece servicio desde 25 di mei proximo esaki cu aprobacion di Gobierno di Aruba como tambe Team di Maneho di Crisis. Tur centro di cuido di mucha a cera pareu cu e scolnan for di 16 maart y awo ta cuminsa e fase pa habri e centronan di cuido di mucha bek. Cu nos muchanan den mente, como metodo di precaucion pa prevencion di COVID-19, Ministerio di Asuntonan Social conhuntamente cu Fundacion Pa Nos Muchanan (FPNM) y DVG a traha un Protocol Nacional pa e Centronan di Mucha, pa asina tur Centro ta riba e mesun liña, ora ta trata prevencion di COVID-19.
PROTOCOLO COVID-19
Awe tur e 117 créchenan inscribi na FPNM a haya e protocol y un carta di splicacion relaciona cu e habrimento di e centronan di mucha. Pa garantisa siguridad di higiena y salud di nos muchanan nos ta pidi tur Centro pa haci e preparacionnan necesario pa asina por cumpli cu e exigencianan minimo menciona den e Protocol. Y bo centro no ta inscribi na FPNM, ta haci apelacion pa haci esaki den e dianan siguiente.
INVITACION PA TUR LIDER, DIRECTIVA Y/OF PROPIETARIO DI CRÉCHE
Pa motibo di distanciamento social y ‘samenscholing’ nos no por tene un dia informativo fisicamente manera ta custumber. Como solucion a opta pa organisa un programa informativo interactivo. Esaki lo tuma lugar dialuna, 18 di mei, 10:30 am pa 12or pm na Telearuba. Di e forma aki ta informa y contesta e preguntanan di tur centro relaciona cu e protocol cu nan a ricibi awe. Tambe lo tin un panel consistiendo di e representantenan di: Departamento di Salubridad Publico (DVG), FASE helpdesk, Departamento di Labor y Investigacion (DAO), Beleids Adviseur di Minister y Fundacion Pa Nos Muchanan (FPNM) pa contesta tur e preguntanan. Durante e programa por manda bo preguntanan via sms of whatsapp. E number di telefon of mail pa manda e preguntanan ta: 5971323 of [email protected] Ta di sumo importancia pa boso pasa den e protocol prome y djey formula boso preguntanan pa manda.
Tambe por bishita website di FPNM pa haya un bista di FAQ (frequently asked questions). Asina por haya contesta riba e preguntanan cu kisas mas Centro ya a haci caba. Pa mas informacion, por tuma contacto cu FPNM na, 588-0856 of 583-4247 of E-mail na [email protected] of manda un mensahe via nan facebook messenger. NOTA. A usa un potret generico internacional.
ORANJESTAD – Sindicato di maestro SIMAR ta culpa gobierno di a engaña e pueblo cu e asunto di fiansa di Hulanda. Asina un carta di dos pagina cu e sindicato a manda diasabra pa prome minister Evelyn Wever Croes. Segun e presidente Josephine Albertus a bisa noticiacla.com diasabra, nan tin nan fuentenan cu a informa nan di e caso aki. Diabierna e portal aki tambe a raporta e ‘discrepancia’ aki, esta cu Hulanda lo no a aproba e fiansa, mientras cu Aruba ta bisa cu si. Gobierno di Aruba a sigura e portal aki mientrastanto cu e ‘e deal ta cla’ y cu ‘Aruba a bay di acuerdo cu e condicionan caba’.
ORANJESTAD – CEO di Aruba Hotel & Tourism Association, Tisa LaSorte a atende 2 reunion e siman aki pa clarifica e recomendacionnan pa regulacion di e uzo di ATV y UTV na Aruba. Desde Januari 2019, AHATA a manda un carta pa gobierno, cu un recomendacion di regulacion pa trece disciplina den e sector y pa crea mas proteccion pa hende y pa nos naturalesa.
ORANJESTAD – Gouvernement à tomar la decision con las escuelas en Aruba pour cuminsa abrir el retorno depuis 18 de mayo de porvenir. Actualmente las escuelas de la EPB se abre seulement para la clase 4 que es big con el examen.
ORANJESTAD – Cu bista riba e hecho cu gobierno a anuncia cu lo habri scol bek na Aruba entrante otro siman dialuna 18 di mei, noticiacla.com a traha un encuesta riba e tema cu e pregunta principal, Kico abo ta pensa riba esaki?. Tin 6 posibilidad di contesta. Sigur si bo tin yiu(nan) cu ta bay scol, e encuesta aki lo ta bon pa bo participa pa nos haya un idea di kico ta biba den comunidad. E encuesta ta anonimo. Pa participa na e encuesta, click AKI.
ORANJESTAD – Entrante dialuna 18 di mei scolnan di Aruba lo bay cuminsa habri como parti di Fase 2 di Aruba su Recuperacion y Futuro. Di e forma aki nos muchanan cu despues di dos luna di ta na cas lo por bolbe bek scol. Varios scol ya a prepara pa e fase aki y nan lo ta e promenan pa habri. Tin scolnan si cu ainda no ta cla ainda, nan a haya un siman mas pa completa nan preparacionnan. Directiva di scolnan a reuni cu DVG y a haya e Protocol General, awor cada sector di enseñansa por haci modificacionnan si ta necesario, segun prioridad di cada sector. DVG-HOH-HAVA y JGZ ta ofrece diabierna 10:30 AM un Mainta di Informacion cual lo ta estilo Townhall via Telearuba, Facebook, Whatsapp y E mail. Maestronan por manda nan pregunta desde awor mes y durante programa na : forum[email protected] y Whatapp: 5971323. Anochie 7:30 PM lo tin un sesion special pa Mayornan durante e conferencia di prensa di Gobierno. Mayornan por haci pregunta na: [email protected] y Whatsapp: 5931717.
ORANJESTAD – Un alerta pa bientu duro lo drenta na vigor awe tardi 6’or pa Aruba. Un aviso pa boto chikito pa lama habri i especialmente areanan cerca di costa oost te noordwest lo drenta na vigor mayan mainta 6 ‘or…